Pas eliminimit të turpshëm të Barcelonës nga Liveprool, i cili e mposhti me rezultatin e thellë 4-0 duke përmbysur gjithçka kanë filluar të shpallen fajtorët. Të shënjestruarit nga katalanasit janë Coutinho dhe trajneri Valverde, ndërsa vazhdon edhe debati nëse Messi ,ori përgjegjësi sa duhet.
I këtij mendimi ishte dhe Ronaldo, “fenomeni” siç njihet. Braziliani u shpreh se Coutinho dha trajneri janë ngarkuar më shumë seç duhej, ndërsa nëse Barcelona fiton atëherë është prej Messit, por nëse humbet faji është i të tjerëve.
“Barcelona ka një superskuadër dhe mund të mbështeten te lojtari më i mirë në botë që është Mesi. Por, dëgjoj shpesh se kur humbasin është faji i Valverdes apo Coutinhos, por asnjëherë i Messit. Dhe kur fitojnë është e kundërta, në fitore merita është vetëm e Messit.
Është një padrejtësi e madhe ndaj pjesës tjetër të lojtarëve dhe stafit teknik. Intensiteti i Liverpulit nuk ishte një surprizë për Barcelonën. Në ndeshjen e parë ishte një ndeshje e mirë e Barcelonës, me Messin në krye, por në ndeshjen e kthimit Liverpool e mposhti Barcelonën në intensitet dhe dëshira”, tha Ronaldo.
