Ish-deputetja e PD-së, Dhurata Çupi, ka zbuluar se deri në datën 18 tetor, opozita nuk do të dalë në shesh për të protestuar. E ftuar në studion e lajmeve në ‘RTV Ora’, ajo tha se për shkak të përgjegjshmërisë për hapjen e negociatave, opozita nuk do të dalë në shesh, por sipas saj format e protestës do të jenë vetëm kontaktet me qytetarët.
“Protesta është një nga alternativat e PD-së. Ne deri në 18 tetor, për shkak të përgjegjësisë dhe përgjegjshmërisë ne nuk do të mbushim sheshet me protesta, por format e protestës do të jenë në kontakte me qytetarët.
Ne do të presim një ‘PO’ nga të gjitha vendet e BE-së, për të hapur negociatat. Kemi 6 vite që shkojnë dëm vendit tonë nga një qeveri e papërgjegjshme, dhe ne do të bëjmë çmos. Do të lobojmë fort për të marrë një ‘PO’ për hapjen e negociatave. Protestat do të jenë një nga format e artikulimit të PD-së, po bëhet platforma e detajuar e PD-së”, u shpreh më tej ajo.
