Pas pak minutash, konkretisht në orën 13:00, Grupi Parlamentar i LDK-së pritet që të mblidhet për mocionin e mosbesimit ndaj qeverisë Kurti.
Shefi i Grupit Parlamentar të LDK-së Arben Gashi, ka deklaruar se mbledhja e Grupit Parlamentar do zhvillohet në Kuvendin e Kosovës.
“Sot kemi mbledhjen e Grupit Parlamentar, duke filluar nga ora 13:00. Aty vendosim dhe ju tregojmë. Mbledhjen do ta mbajmë në sallën e Grupit Parlamentar në Kuvend”, ka deklaruar ai.
Pas shkarkimit të Agim Veliut nga posti i ministrit të Punëve të Brendshme nga kryeministri Albin Kurti, LDK-ja ka propozuar inicimin për mocion ndaj Qeverisë.
Kreu i Lidhjes Demokratike të Kosovës Isa Mustafa ka filluar sot takimet me kryetarët e partive për të kërkuar mbështetjen e tyre për mocionin e mosbesimit.
Ai ka zhvilluar një takim edhe me liderin e AAK-së, Ramush Haradinajn.
