Pavarësisht thirrjeve të vazhdueshme të presidentit Ilir Meta drejtuar partive politike për t’u futur në zgjedhjet e 13 tetorit, kreu i qeverisë Edi Rama insiston se zgjedhjet e ardhshme do të zhvillohen në vitin 2021.
Në një moment, i pyetur nga gazetari nëse karriera e tij politike do të vazhdojë përtej 2021, kryeministri u shpreh se këtë e vendos vetëm ai dhe socialistët.
“Këtë nuk e vendos askush tjetër përveç meje dhe socialistëve. Këto të dyja e vendosin, askush tjetër. Ambicia ime politike është shumë e thjeshtë. Çdo minutë të kohës time në këtë detyrë tju shërbejë njerëzve të zakonshëm. Sa më shumë njerëz unë të mbështes aq më e plotësuar është ambicia ime duke e çuar Shqipërinë drejt Europës”, tha Rama në “Repolitix”.
