Kryeministri Edi Rama përgjatë një lidhje direkte me emisionin “Top Talk” foli për situatën ekonomike në vend.
Ashtu si shumë fusha të tjera, edhe ekonomia është prekur nga impakti negativ i koronavirusit.
Rama gjatë fjalës së tij, theksoi se biznesit të madh i është dhënë një garanci sovrane, teksa vijoi duke pohuar se “qeveria po ndjek me shumë vëmendje lëvizjet që po bën biznesi i mesëm dhe i madh”.
“Jemi të përgatitur për të bërë një ndërhyrje kur të jetë momenti. Do t’i bëjmë gjërat hap pas hapi dhe të gjithë duhet të rezistojmë”, u shpreh kryeministri.
Ndërkohë drejtuesi i emisionit, Denis Dyrnjaja i bëri këtë pyetje Ramës: “Kur mund të kemi një rikthim gradual në jetën ekonomike të vendit?”
Sakaq, Kreu i Qeverisë dha një përgjigje epike!
“Kur të më tregoni një vend në botë që ta dijë këtë, do ta di dhe unë”, ia ktheu Rama, duke iu referuar kështu të papriturave që mund të shkaktojë COVID-19.
