Pas presidentit të Ukrainës, Volodymyr Zelenskyy, i cili për muaj me radhë është veshur me kamuflazh, duket se këtë trend e kanë ndjekur edhe politikanët shqiptarë. I referohemi kryeministrit Rama dhe ish-kryetares së LSI-së, Monika Kryemadhi, ku për koicidencë kanë zgjedhur të vishen njëlloj.
Kreu i qeverisë Edi Rama mbante të veshur një veshje kamuflazh, një xhaketë të markës Polo, gjatë një bashkëbisedimi me fermerët.
Nga ana tjetër, Kryemadhi ka bërë një “revolucion” në veshje. Deputetja e Partisë së Lirisë është fotografuar teksa mbante veshur një bluzë me motive ushtarake.
Kryemadhi duket se do të rikthejë edhe një herë në modë stilin e kamuflazhit.
Ende nuk e dimë se çfarë fshihet pas performancave të fundit, nëse këto përzgjedhje i bëjnë në bazë të gustove të tyre personale, apo kanë një kurator imazhi me të cilën konsultohen për veshjet e tyre.
