Kujtim Gjuzi thotë se e vetmja politikane që mund të fitojë Tiranën është Jorida Tabaku, të cilën ai e quan “Meloni shqiptare”, duke iu referuar kryeministres së Italisë. Ai tha se Tabaku ka mbajtur integritet, dhe bashkon të gjithë grupimet.
“PD fiton vetëm me Melonin shqiptare, Jorida Tabakun. Është zonjë. Ka mbajtur integritet dhe bashkon të gjithë grupimet. Të gjithë i bashkon ajo.
Edhe doktori e ka këtë mendim. Doktori i tha Nora Kelmendi Gridës dhe ajo iku…
Njeriu që bashkon të gjithë opozitën, është Meloni i Tiranës, Jorida Tabaku”, tha Gjuzi në TPZ.
Më herët, kreu i PD-së, Sali Berisha e quan Grida Dumën si Nora e Kelmendit, një fisnike shqiptare e shekullit të 17. Berisha tha se Duma tregoi guxim pasi i dha një përgjigje epike Ramës, dhe për këtë ajo do të mbahet mend dhe do të kujtohet pas 100 vitesh.
