Deputeti demokrat Halit Valteri, pasi sulmoi Ilir Metën, nuk hezitoi të ironizonte Damian Gjiknurin dhe Kujtim Gjuzin për të cilët tha se mund të ofrohen si presidenti për t’u vetësakrifikuar.
“Kam edhe diçka për Damianin, Damian tërmeti erdhi i ekzaltuar dhe mendoi se ne e heqim se heqim, mendon se e bën ai reformën zgjedhore, kam frikë se mos vret veten, se kjo është edhe punë ngjitëse dhe kam frikë se na çohet Kujtim Gjuzi dhe vret veten dhe se di si do e bëjmë këtë parlament” tha ai.
Ndërkohë, pas kësaj ironie, Kujtim Gjuzi mori fjalën për t’iu përgjigjur deputetit, ndërsa i bëri një paralajmërim edhe kreut të Bindjes Demokratike, Astrit Patozit.
“E para unë jam nga që nuk e vras veten se me e vra veten quhesh kriminel, apo jo Ulsi, se je edhe kryetar i Komisionit të Ligjeve? Pse akoma mendon njeri këtu se presidenti është ilegjitim, pse hesht me gjykatën kushtetuese.
Kam edhe diçka për Astrit Patozin, është i paligjshëm. Të kam ruajtur një letër, e kam një çantë unë, që me ta hap letrën, do të dalë puna se çfarë ke firmosur në Fan të Mirditës. Zoti Kryetar të lutem, mos i lejo njerëzit që të bëjnë ftesë këtu për të varë veten“, deklaroi Gjuzi.
