Gazetarja e emisionit “Fshatrat e Shqipërisë, Ilnisa Agolli ka folur rreth kërcënimeve që ajo ka marrë pas publikimit të një reportazhi për fshatin e Derviçanit.
E ftuar në emisionin “Ftesë në 5” në Top Channel, Agolli tha se ndihet shumë e qetë pasi sipas saj, çdo gjë në lidhje me atë dokumentar është e vërtetë. Pavarësisht kësaj, ajo pranoi se ka marrë kërcënime të shumta duke i bërë thirrje që të ketë kujdes kur del natën.
Pas transmetimit të reportazhit “Derviçani, fshati që refuzon shqipen”, pati edhe një reagim nga ana e mediave greke të cilat e komentuan negativisht.
