Eksperti më i lartë amerikan për sëmundjet infektive, Anthony Fauci, shprehet i shqetësuar lidhur me rritjen e rasteve me koronavirus në Shtetet e Bashkuara.
Gjatë një takimi të organizuar në formën e një telekonference nga Dhoma Amerikane e Tregtisë, Fauci deklaroi se situata paraqitet më e vështirë në jug të vendit.
Ai theksoi se ka ardhur koha që të shihet me sy ajo që po ndodh, ndërsa shtoi se mund të këtë një intensifikim të masave me qëllim frenimin e koronavirusit.
Sipas tij, Shtetet e Bashkuara së shpejti mund të përballen me “100 mijë raste në ditë nëse nuk përqafojnë më agresivitet masat e distancimit social, vendosjen e maskave dhe masa të tjera”.
Fauci theksoi se vendosja e maskave është tejet e rëndësishme për rihapjen sërish të vendit. Ai bëri apel që të gjithë duhet t’i mbajnë ato kur ndodhen në vende publike apo të mbyllura.
