Kryeministrja skoceze, Nicola Sturgeon akuzon kryeministrin e Britanisë, Boris Johnson se perspektiva e tij për një Brexit pa marrëveshje po përçan Britaninë e Madhe.
Sturgeon, rajoni i të cilës votoi për të ndenjur në Bashkimin Evropian gjatë referendumit të vitit 2016, e dha këtë deklaratë pas takimit zyrtar që kryeministri i ri britanik pati në Skoci.
“Pas bisedimeve të mia me Boris Johnson…Mendoj se ai kërkon një Brexit pa marrëveshje”, u shpreh Sturgeon.
Boris Johnson tha se kërkon të rinegociojë marrëveshjen e Brexit, që Bashkimi Evropian e ka përjashtuar. Nëse ai dështon, ai theksoi se vendi i tij do të dalë nga BE-ja më 31 tetor, me ose pa marrëveshje.
