Kryeministrja serbe Ana Brnabić ka deklaruar se shpreson se kancelarja gjermane Angela Merkel do të mbështesë pikëpamjen e Beogradit sa i takon zgjidhjes së çështjes me Kosovën. Raportohet se Brnabić ka pohuar se pret që bisedimet serioze të vazhdojnë.
“Sa i përket lëvizjeve konkrete, ato do të varen nga zgjedhjet në Kosovë më 6 tetor, respektivisht kush do të vijë në pushtet në institucionet e Kosovës, nëse do të mbledhin pikë politike apo do të jenë seriozë dhe të gatshëm për bashkëpunim dhe stabilitet rajonal”, është shprehur kryeministrja.
