Kryeministri Edi Rama u bëri thirrje që qytetarët të zbatojnë rregullat, në mënyrë që mos vendi mos të mbyllet sërish për shkak të COVID-19.
Teksa përsëriti vendimin për mbajtjen e maskës me detyrim duke filluar nga 15 tetori, kreu i qeverisë gjatë një bashkëbisedimi me ndjekësit në Facebook, tha se duhet të zmbrapset rreziku i një infektimi tjetër të madh.
“Ne të gjithë kemi në dorë të bëjmë diçka të mëdha, të zbatojmë rregullat dhe të vendosim maskën, nga java e ardhshme, në mënyrë që larg qoftë të mos mbyllemi sërish. Tani po punojmë fort dhe për zerimin e të gjitha kontrolleve dhe që mos të keni asnjë shqetësim e gjithçka që fitoni, ta çoni në shtëpitë tuaja, është shumë e rëndësishme të zmbrapsim rrezikun e një infektimi tjetër të madh”, tha Rama.
Nga data 15 tetor, mbajtja e maskës do të bëhet e detyrueshme në çdo ambient jashtë shtëpisë.
Nëse kjo masë nuk zbatohet, do ketë gjobë e cila do vendoset te fatura e dritave.
FALEMINDERIT PËR PYETJET TUAJA, JA DHE DISA NGA PËRGJIGJET (të tjerave me shkrim sigurisht)🤗***📲 pyetediramen@kryeministria.al Kjo është një adresë në dispozicionin e secilit e secilës prej jush për të çuar me video, nga celulari juaj, çdo pyetje që të dëshironi mbi çdo çështje të punës a të familjes suaj, komunitetit tuaj apo vendit tonë, që ka lidhje me qeverinë📨Ju mirëpres me kënaqësi dhe me kënaqësi do t'ju përgjigjem edhe unë, për gjithçka kam në dorë të them a të bëj për ju🤝Janë të mirëpritura kritikat, ankesat, kërkesat (mundësisht pa sharje) dhe nuk refuzohen as shprehjet e kënaqësisë për ndonjë punë të mirë tonën, që ka ndikuar pozitivisht në punën tuaj a në mbarëvajtjen e punëve në familjen e në komunitetin tuaj😊pyetediramen@kryeministria.al duke postuar videon tënde të drejtëpërdrejtë nga celulari📲
Publiée par Edi Rama sur Dimanche 11 octobre 2020
