Kryeministri italian: Më të keqen nga koronavirusi e kemi lënë pas

Kryeministri italian, Giuseppe Conte shprehet se Italia e ka kaluar fazën më të keqe nga pandemia e koronavirusit.

Gjatë fjalës së tij në Parlament, Conte kritikoi sjelljen e disa të rinjve të cilët grumbullohen netëve në disa qytete, duke theksuar se “nuk është koha për pushime”.

“Nëse më të keqen e kemi larguar, ia kemi borxh qytetarëve, të cilët ata kanë ndryshuar stilin e jetës së tyre”, tha ai.

Conte i bëri thirrje qytetarëve që t’i kalojnë pushimet në Itali, që të ndihmojnë kështu edhe turizmin në krizë.

Me mbi 227 mijë raste infektimi, Italia renditet e gjashta në botë me numrin më të lartë të rasteve të konfirmuara.

Ndërsa sa i përket numrit të viktimave, vendi fqinj renditet i treti në botë me numrin më të lartë (32,330), pas SHBA-ve dhe Mbretërisë së Bashkuar.