Kryeministri kosovar, Avdullah Hoti, ka rezultuar pozitiv me Covid-19.
Lajmin e ka bërë të ditur vetë Hoti, përmes një postimi në Facebook. Ai shkruan se nuk ka simptoma, përveç një kollë shumë të lehtë.
“Sot e kam bërë testin për covid-19 dhe kam rezultuar pozitiv. Nuk kam shenja, përveç një kollë shumë të lehtë. Nga sonte jam në izolim për dy javët në vazhdim. Do të kryej obligimet nga shtëpia”, shkruan Hoti.
Hoti bëhet kështu zyrtari i radhës në Kosovë që rezulton pozitiv me koronavirus, pas Isa Mustafës, Kadri Veselit etj.
Deri më tani, në Kosovë janë regjistruar 8,799 raste pozitive me Covid-19 dhe 249 viktima.
