Kryeministri britanik Boris Johnson ka ndarë me qytetarët planin e masave lehtësuese.
Johnson foli për kthimin e mundshëm të nxënësve në shkolla më 1 qershor.
Ai theksoi se karantinimi do të jetë i detyruar për të ardhurit nga jashtë.
Pavarësisht lehtësimit të masave, kryeministri pohoi se qeveria “nuk do të hezitojë të vërë frenat” nëse ka shpërthime të mëtejshme të virusit.
Sipas tij hapja e vendit do të jetë graduale.
Johnson gjithashtu shprehu mirënjohjen ndaj qytetarëve për durimin e tyre gjatë pandemisë.
