Në ditën më të rëndësishme në kalendarin mysliman, festa e Kurban Bajramit, mungon një urim nga kryetarja e LSI-së, Monika Kryemadhi. Nuk dihet se ku është ‘zhdukur’ kryetarja e LSI-së, e cila duket se ka gjetur edhe pasuesin. Që pas humbjes së zgjedhjeve të 25 prillit, çdo ditë e më shumë po shohim pak gjurmë në politikë të kryetares së LSI-së, Monika Kryemadhi.
Me një njoftim për mediat, LSI bën me dije se do të jetë sekretari i përgjithshëm Endrit Braimllari ai që do të jetë në Komunitetin Mysliman dhe Kryegjyshatën Botërore të Bektashinjve për të uruar festën e Kurban Bajramit, duke ‘i zënë vendin’ Kryemadhit në këtë detyrë.
“Në orën 11:00, Sekretari i Përgjithshëm i LSI, Endrit Braimllari do të jetë në Komunitetin Mysliman për të uruar festen e Kurban Bajramit dhe në 11:30 tek Kryegjyshata Botërore e Bektashinjve”, thuhet në njoftimin e LSI-së.
