Gjatë intervistës në emisionin Opinion, kryetarja e LSI-së Monika Kryemadhi ka deklaruar se është e gatshme të largohet nga politika, nëse Rama mbledh aq qytetarë sa janë mbledhur në protestën e 16 shkurtit.
Sa i takon protestës së djeshme, Kryemadhi tha se ishte vetëm me qytetarë nga Tirana, ndërsa paralajmëroi se ajo e 16 marsit do të jetë më e madhja:
“Iki nga politika nëse Edi Rama i mbledh aq sa janë mbledhur më 16 shkurt. Nuk i mbledh dot, është e sigurt. Edi Ramën e tmerron dalja e qytetarëve të Tiranës në rrugë. Nuk e tmerrojnë 20.000 qytetarë të ardhur nga rrethe. Protesta e djeshme ishte vetëm me qytetarë nga Tirana. Rama është i rrëzuar. Mjafton të shikoni se cili nga institucionet sot punojnë. Rama është i rrëzuar. Ne do të vazhdojmë sensibilizimin tone. 16 marsi do ketë tjetër imazh. Protesta e 16 marsit do të jetë më e madhja. Partia Socialiste po përgatitet për zgjedhjet të parakohshme për në muajin maj, ndërsa ato lokale do të shtyhen në shtator ose tetor.”