Kryetarja e LSI-së, Monika Kryemadhi ka zhvilluar sot një takim me ambasadorin e Britanisë së Madhe në Tiranë, Duncan Norman.
Ata kanë diskutuar lidhur me sfidën e përmbushjes së 15 kushteve të Integrimit Evropian dhe vullnetin e pandryshuar të LSI-së për të kontribuar për ato që janë përgjegjësitë e opozitës.
Kryemadhi nënvizoi rolin e veçantë të ambasadorit Duncan në formësimin e Këshillit Politik për Reformën Zgjedhore, si një model për t’i dhënë përgjigje çështjeve që kanë rëndësi për vendin dhe veçanërisht zgjedhjeve, që janë themel i demokracisë.
