Kryetarja e LSI-së, Monika Kryemadhi është parë duke shkuar në selinë e PD-së, ku pritet të zhvillojë një takim me kreun opozitar, Lulzim Basha.
Pritet që në fokus të bisedës së tyre të jetë aktualiteti politik dhe plani i opozitës pas zgjedhjeve të sotme. Tashmë na ndajnë vetëm pak minuta nga mbyllja e zgjedhjeve lokale. Edhe pse opozita ka vendosur të tërhiqet, zgjedhjet po mbahen akoma dhe sipas raportimit të fundit të KQZ, numri i votuesve deri në orën 15:00 ka qenë 15.5%.
Kjo gjë u hodh poshtë nga PD, e cila me anë të një deklarate për mediat i përgënjeshtroi këto shifra, duke deklaruar se deri në orën 15:00, numri real i votuesve në gjithë vendin ka qenë vetëm 10%.
