Kryetarja e LSI-së, Monika Kryemadhi, ka hedhur akuza mbi kryeministrin Rama, se ka manipuluar fotografitë e takimit me kancelaren gjermane, Angela Merkel.
Në një intervistë në studion e “Ora News”, Kryemadhi tha: “Kur nga zyra e kryeministrit shpërndahet një foto me xhaketë të kuqe e kancelares, nga zyra e Angela Merkel shpërndahet një foto me xhaketë blu. Sigurisht që është bërë manipulim i fotove nga zyra e kryeministrit”, u shpreh kryetarja e LSI.
Monika Kryemadhi: Dhe nga zyra e kryeministrit është shpërndarë një foto ku Rama me kancelaren Merkel përshëndesin publikun me dorën ngritur. Në fakt nga zyra e kryeministrit shpërndahet një foto me xhaketë të kuqe të kancelares dhe ndërkohë nga zyra e kancelares shpërndahet një foto me xhaketën blu kancelarja.
Beti Njuma: Mendoni se është bërë një manipulim fotosh nga ana e stafit të kryeministrit?
Monika Kryemadhi: Sigurisht, as nuk kam pikën e dyshimit. Nuk është ky problemi, a do t’i sjelli kjo bukë shqiptarëve.
Beti Njuma: Pse duhet ta ketë të nevojshme kryeministri që të manipulojë një takim?
Monika Kryemdhi: Sepse unë mendoj që kryeministri mendon që ne duhet të merremi sot me takimin e dështuar apo të suksesshëm të kryeministrit me kancelaren, dhe të mos merremi me 400 milion eurot që u vodhën dje në parlamentin shqiptar. 400 milion euro janë para që vidhen drejtpërdrejtë nga xhepi i shqiptarëve.
