Çdo ditë e më shumë po thellohen përplasjet mes presidentit dhe kryeministrit. Kryeministri Rama dhe presidenti Ilir Meta duket se do të kenë një betejë shumë të ashpër mes tyre deri më 25 prill.
Nga ana tjetër, kryetarja e LSI, Monika Kryemadhi, ka nënvizuar se simboli i LSI nuk ikën nga fleta e votimit. E ftuar në emisionin “Kjo Javë” në News24, ajo ka lënë të nënkuptohet se dy partitë më të mëdha opozitare, mund të garojnë në lista të veçanta. Kur Kryemadhi u pyet për mënyrën se si opozita do të shkojë në zgjedhje, ajo theksoi se kjo do përcaktohet më vonë.
”Ne sot janë algoritme matematikore dhe sjellje politike. Me ligjin e vjetër opozita ka 86 mandate, po të kalkulohen 100 mandate. Sepse deputetit me ligjin e vjetër i duhen 13 mijë vota, me të riun 10 mijë vota. Do të kalkulohen dhe kemi 100 mandate me ligjin e ri. Për çështjen e koalicioneve do të flasim më vonë, kur ndryshimet e Kodit Zgjedhor të hyjnë në fuqi. Ndërsa një gjë është e sigurt, simboli i LSI nuk largohet dhe nuk ikën nga fleta e votimit”, tha Kryemadhi.
