Kryetarja e LSI-së Monika Kryemadhi pasditen e sotme ka mbledhur strukturat e partisë së saj në Lezhë.
Nga Lezha ajo theksoi se KiE ka bërë padi në “Venecia” për ligjin antishpifje, teksa shtoi se kjo dëshmon se vendi po rrëshqet në një diktaturë e po shkon larg vlerave të BE.
Po ashtu deklaroi se kryeministri Edi Rama nuk e dëshiron integrimin e vendit në BE.
“KiE ka bërë padi në ‘Venecia’ në lidhje me ligjin antishpifje. Edhe organizatat europiane janë kundër Edi Ramës, që me ligjet e tij kundër lirisë të fjalës po kthen vendin mbrapa. Ligji antishpifje është dënuar nga shumë organizma ndërkombëtare, ndërsa Rama e miraton, sepse nuk do integrimin e vendit në BE”, tha Kryemadhi.
