Pas miratimit në Kuvend të ndryshimeve kushtetuese dhe formulës së re të koalicioneve, ka reaguar Kryetarja e LSI-së Monika Kryemadhi.
Kjo e fundit u shpreh se kryeministri Edi Rama i bëri gropën vetes:
“Sot më shumë se kurrë kemi bashkë të djathtën e Bashkuar përballë Edi Ramës të vetmuar dhe të shkuar.
Rama që mendoi se i hapi gropë shqiptarëve ia hapi vetes së tij. Në atë gropë do të bjerë vetë. Vendimet që sot ka bërë Edi Rama në parlament do u heqin të drejtën e lëvizjes së lirë shqiptarëve, do bëhen viktima të trafikimit të vizave dhe në emër të COVID do vijojmë të jemi të izoluar.
Ndaj beteja jonë nuk është më betejë koalicionesh, por ta di se me këtë fundosi veten e tij, po i bëri nder të djathtës së bashkuar dhe të majtës së bashkuar, për të bashkuar shqiptarët. Dhe po ju them, rasti më i mirë i PS do jetë me 40 deputetë”.
