Kryetarja e LSI, Monika Kryemadhi ka deklaruar nga emisioni “Tempora” se opozita e bashkuar është në negociata me ndërkombëtarët për të gjetur një zgjidhje për krizën politike në vend.
“Jemi në negociata me ndërkombëtarët. Negociatat tona nuk janë për të zgjidhur problemet e momentit. Po negociojmë për t’i dhënë fund tranzicionit”, tha Kryemadhi.
Ndër të tjera, Kryemadhi u shpreh se nëse do të ishte në vend të kreut demokratik, Lulzim Basha, do futej që sot në zgjedhje me Ramën, pasi sipas saj, 90% e shqiptarëve mbështesin forcën opozitare.
“Të jem unë si Lulzim Basha unë shkoj në zgjedhje me Edi Ramën. Sot të shkosh në zgjedhje me Edi Ramën kemi 90% të shqiptarëve. Ja kam thënë dhe Basha e di shumë mirë këtë gjë, jo vetëm Basha por shumë të tjerë. Nuk kam asnjë kontraditë (me Bashën), jemi të rakorduar”, theksoi Kryemadhi.
