Kryetarja e Lëvizjes Socialiste për Integrim, Monika Kryemadhi tha sot se mijëra këpucë a çizme që i qëndrojnë sipër kokës varur atij dhe ministrave të tij. Ajo deklaroi se Rama është i frikësuar ndaj paranojën e “këpucës”. Me anë të një statusi në rrjetin social “Facebook”, ka reaguar pas deklaratave të kryeministrit Edi Rama në një takim për platformën “Shqipëria që duam” në Rrëshen. Ajo shkruan se kreu i qeverisë shpall si fitore të madhe largimin nga puna të mbështetësve të LSI-së.
Kryemadhi shprehet se këto shantazhe nuk do i frikësojnë aspak në luftën e tyre opozitare. Madje në postimin e saj ajo ironizon edhe momentin e hedhjes së këpucës në seancën parlamentare për zgjedhjen e kryeprokurorit të përkohshëm.
“Me fjalorin e varfër dhe me paranojën e “këpucës”, Edi Rama shfaqet ashtu siç është në të vërtetë, i frikësuar jo nga këpucët që për fatin e tij nuk morën trajektoren e duhur, por nga mijëra e mijëra këpucë a çizme që i qëndrojnë sipër kokës varur atij dhe ministrave të tij,” deklaroi Kryemadhi.
Postimi i plotë i Monika Kryemadhit
Me gjuhën e arrogantit injorant, me guximin e stimuluar nga përdorimi i substancave narkotike, Edi Rama edhe njëherë i ka gjetur fajtorët e keqqeverisjes së tij te LSI.
Nga Mirdita , ku as brohorimat e teknikës qendrore të kryeministrisë nuk e mbytën dot zhurmën e shpërthimit të tritolit në Shkodër, kryeministri i pushteteve të përkohshme, shpalli si fitore të madhe largimin nga puna të mbështetësve të LSI-së, me shpresën se do të frikësojë familjen tonë politike me shantazhe që zakonisht i përdor me oborrtarët e tij të pushtetit.
Me fjalorin e varfër dhe me paranojën e “këpucës”, Edi Rama shfaqet ashtu siç është në të vërtetë, i frikësuar jo nga këpucët që për fatin e tij nuk morën trajektoren e duhur, por nga mijëra e mijëra këpucë a çizme që i qëndrojnë sipër kokës varur atij dhe ministrave të tij.
Sepse nuk është turp të të etiketojnë si “parti e këpucëve”, as të heqësh këpucët apo të brendshmet siç ka bërë ai vetë.
Turp është të kanabizosh vendin që pretendon se drejton, të orientosh rininë drejt drogës dhe trafikut, të vjedhësh e të grabisësh çdo pasuri të Shqipërisë.
Këto veshin me turpin më të madh të mundshëm çdo lakuriqësi, jo vetëm fizike por dhe politike.
