Kryetarja e LSI, Monika Kryemadhi e ka shprehur haptazi skepticizmin e saj për Covid-19.
Në çdo takim të saj me strukturat e LSI, por jo vetëm, Kryemadhi është shfaqur pa maskë duke mos respektuar vendimin e qeverisë.
Ndryshe nga ajo, bashkëshorti i saj dhe presidenti i Republikës, Ilir Meta ka shumë frikë nga virusi, ndaj dhe e qorton kur nuk mban maskë.
“Jo se nuk mbahet maska, por dua t’ju theksoj që maska nuk mbahet në rrugë, por në momentin që ju jeni shumë afër me njerëzit, një maskë që nuk preket me dorë. Meta ka frikë shumë nga virusi, se thotë ç’është kjo që rri pa maskë. Unë s’bëhem ekonomiste si Meta, apo juriste si Basha”, kam mbaruar për biokimi dhe kjo më jep një siguri përsa i përket imunitetit”, tha Kryemadhi në ‘Report TV’.
