Kryetarja e LSI, Monika Kryemadhi, zhvilloi mbledhjen e Komitetit Drejtues të kësaj partie në Durrës.
Gjatë fjalës së saj, Kryemadhi tha sese shqiptarët kanë nevojë për shpresë.
Sipas saj, LSI ka një strategji të qartë për të ndryshuar realitetin në Durrës dhe në të gjithë Shqipërinë.
Kryemadhi theksoi se qytetarët, duke votuar LSI-në, do të votojnë në fakt për të ardhmen.
Monika Kryemadhi: ”Shqiptarët sot duan shpresë dhe LSI do rigjallërojë jetën e qytetarëve me planin e saj strategjik e ekonomik për të ndryshuar realitetin në Durrës dhe në mbarë Shqipërinë. Ne jemi të vendosur për të rritur ekonominë e qytetarëve. Premtimet e Ramës janë një maskë. Ne duhet t’ju kthejmë besimin qytetarëve. Duke votuar LSI-në, do të votojnë të ardhmen. Sot në Durrës, por edhe në qarqe të tjera jemi optimistë për të sjellë ndryshimin e shumëpritur’’.
