Kryetarja e LSI-së, ka shpërthyer në një lum akuzash ndaj kryeministrit Rama. Ndërsa ripërsëriti akuzat se ai është një rrëmbyes i votës së lirë, Kryemadhi tha se ai e ka të pamundur që të çlirohet nga zinxhirët e krimit të organizuar. Duke bërë një bilanc të jetës ekonomike në vend, Monika Kryemadhi shtoi se shqiptarët janë në varfëri, e ndërsa kryeministri flet për luks e fasada. Sipas kryetares së LSI-së, Rama është i zhgënjyer e ndaj e prishi Teatrin, pasi nuk arriti që një ditë të luajë në atë skenë. Ajo shtoi më tej se shkak ka qenë mediokriteti i kryeministrit që nuk ishte i duartrokitur në atë skenë, por i përbuzur.
“Me bandat e tij, me strukturat rrënoi një shtet të tërë. Ky zotëri që flet për maketet fëmijënore, kur do të shlyejë defiçencat e tij në fëmijëri, nuk mund të shlyejë atë që i ka bërë. Flet për projekt- ide për Teatre me vlerë 30 milionë euro, duhet t’ua japë qytetarëve që s’kanë bukë të hanë.
Ky flet për fasadë dhe luks. Të hyjë në shtëpitë e qytetarëve, të shohë bizneset si kanë falimentuar, të shohë si janë hequr qytetarët nga puna. Si nuk kanë mundësi të paguajnë faturën e dritave dhe ujit, të marrin pension. Ky që i thotë artistëve dhe regjizorëve, që ëndërroi një ditë të luajë aty në atë skena, pasi paaftësia dhe mediokriteti nuk e lanë të ishte i duartrokitur në atë skenë, por ishte i përbuzur.
Më mirë shekspiriane se i dhunshëm, dhe një bastard që mohon fëmijën e tij. Nuk do dalë njeri pa shpaguar atë që i kanë bërë shqiptarëve. Kulmi arriti me shqiptarët, me identitetin, me atë që kërkon të shkatërrojë identitetin dhe trashëgiminë kulturore. E shkatërroi arsmin, sistemin arsimor. Kurrikulat nuk kanë asgjë për dinjitetin kombëtar, por nuk ekzistojnë si komb për Edi Ramën. Ky njeri që thotë unë jam shumica. Përkundrazi nuk është shumica. Ky është rrëmbyes i votës së lirë. Ky njeri vetëm ka kopjuar gjithë jetën. Rama nuk çlirohet dot nga zinxhirët e krimit të organizuar. Prandaj ik të shpëtosh veten dhe njerëzit”, tha Kryemadhi.
