Shumë është përfolur për pasurinë e familjes së Metës. Por duket se këtyre zërave u ka ardhur fundi, pasi kryetarja e LSI-së, Monika Kryemadhi, ka folur për herë të parë për vilën që familja Meta ka në zonën e Gjirit të Lalëzit. E ftuar në emisionin “Tempora” në RTV Ora, Kryemadhi ka treguar se gjithë pasuria e saj buron nga familja, dhe se babai i saj ka qenë brigadier në kohën e komunizmit.
“Nuk kam komplekse që të them jam e varfër. Nuk jam e varfër. Pasurinë e kam për hir të familjes sime, dhe të babait tim. Ai ka qenë brigadier, por përjashtohej nga regjimi sepse ishte kokëderr si puna ime. Ai përfitoi një pronë në atë kohë. Zuri një buzë toke krah lumit të Lanës, dhe ndërtoi vilë. Atë vilë ne sot e kemi rrëzuar, dhe e kemi bërë pallat. Ato janë 16 mijë metra katror.
Kur kemi marr vilën në Lalëz, e kemi marr me 450 euro metra katror. E kemi shkëmbyer me disa ambiente në pallat, me 450 metra ambiente te pallati”, përfundoi ajo.
