Kryetarja e LSI-së, Monika Kryemadhi, si rrallë herë është ndalur në raportin që ka me bashkëshortin e saj, presidentin Ilir Meta.
Ajo zbuloi në emisionin “Goca dhe Gra” se puthjen e parë ia ka rrëmbyer kreu i shtetit Ilir Meta, ku ajo ka qenë 20 vjeçe. E mbi të gjitha, ajo ka qenë puthja e parë në jetën e saj.
“Në janar të 1994-ës e kam puthur për herë Iliri Metën, edhe puthjen e parë si të dashur, edhe në jetë për hir të së vërtetës. Kam qenë 20 vjeç”, tha ajo.
Kryemadhi foli pa “doreza”, duke treguar fjalët më pikante të presidentit të dashuruar apo nofkat që kanë me njëri-tjetrin. Kryemadhi zbuloi se në nisje të lidhjes së tyre ata përdornin nofkat “noshe” apo “zemër” që më vonë sipas saj “u harruan.”
“Tani u bënë 28 vjet. Nofkat janë të çuditshme. Komunikimi ka qenë “Noshi”, për shembull “Noshe”, “zemër” këto, por më vonë u harruan. Unë i kam thënë “të keqen motra”, ai më ka thënë “motra e sa***”, rrëfeu Monika Kryemadhi.
