Për kryetaren e LSI, Monika Kryemadhi, ajo çfarë u prezantua sot nga kryeministri Rama është veçse lançimi i policisë politike. Në një dalje për mediat, Kryemadhi tha se kryeministri po provokon me KÇK, ndërkohë që po ngrihet SPAK dhe BKH.
Në fjalën e saj, kryetarja e LSI-së u shpreh se Rama vijon të provokojë. Ai provokon qytetarët, sipas saj, sistemin e drejtësisë dhe partnerët ndërkombëtarë.
“Krijimi i policisë politike që na lançoi sot kryeministri, vazhdon dhe provokon. Provokon qytetarët, provokon sistemin e drejtësisë dhe partnerët ndërkombëtarë. Sot që pritet të ngrihet SPAK, ai na lançon KÇK e tij.
Ajo që dua të them është se me veprimin e sotëm, që Rama kërcënoi deputetët se kush nuk voton do të përjashtohet nga grupi parlamentar, tregon orientimin që Rama po i jep Shqipërisë dhe shqiptarëve, për ti çuar drejt një vendi diktatorial.
Shohim si një ligj i tillë vendos në mënyrë paralele për të shkatërruar provat për BKH dhe SPAK. Një strukturë e tillë vendet për të penguar veprat korruptive të Edi Ramës”.
