Ndryshe nga bashkëshortja e tij, kryetarja e LSI-së Monika Kryemadhi e cila ka dalë pa maskë në takimet e saj, presidenti Meta ka bërë të kundërtën. Në një dalje për mediat, kreu i shtetit është shfaqur me maskë, duke zbatuar në këtë formë rregullat në fuqi ndaj pandemisë.
Nuk dihet se çfarë mund ta ketë bërë presidentin të ndryshojë mendim, ndërsa bashkëshortja e tij thotë se maska nuk është e nevojshme.
Më herët, kryetarja e LSI-së Monika Kryemadhi është gjobitur nga Policia e Durrësit për mos vendosjen e maskës mbrojtëse. Kryemadhi është shfaqur në një nga lagjet e qytetit bregdetar, mes disa të moshuarve që u është prishur shtëpia nga tërmeti i 26 nëntorit, pa maskë mbrojtëse. Atje ka shkuar pas disa minutash Policia e Durrësit, e cila ka gjobitur Kryemadhin.
