Shqipëria prej javësh tashmë është prekur nga koronavirusi dhe fatkeqësisht kanë ndërruar jetë 15 persona.
Ndërkohë ditën e sotme Kryegjyshata Botërore e Bektashinjve ka shprehur solidaritetin ndaj Policisë së Tiranës duke i dhuruar maska dhe dezinfektantë.
“Roli i policisë shumë i rëndësishëm në përballimin e kësaj situate të vështirë. Pas mjekëve, policia është në vijën e parë të frontit në përballimin e situatës”, u shpreh Kryegjyshi Baba Mondi.
Drejtori i Policisë së Tiranës Rebani Jaupi falenderoi Baba Mondin për ndihmën: “Ndihmë e rëndësishme për policinë e cila është në shërbim të qytetarëve. Kemi parë se qytetarët po respektojnë masat e vendosura nga qeveria”.
