Ish-presidenti i Republikës, Alfred Moisiu ka folur për krizën politike në vend, pas vendimit të opozitës për të dorëzuar mandatet parlamentare.
Moisiu, i pyetur nga gazetarët për rolin që duhet të luajë Ilir Meta si president i vendit për të zgjidhur ngërçin politik, tha se presidenti duhet të ndërhyjë, pasi kështu nuk mund të ecet përpara.
“Mendoj se presidenti aktual, Ilir Meta, duhet të ndërhyjë. Kështu nuk mund të ecet përpara. Se si e bën ndërhyrjen dhe tenton ta zgjidhë ngërçin politik, këtë e di presidenti Meta. Klasa politike duhet të ndërgjegjësohet”, tha ndër të tjera Alfred Moisiu.
