Drejtuesi politik i PS-së për kryeqytetin, Erion Veliaj prezantoi ditën e sotme, 6 kandidatët për deputetë nga 36 kandidatët në Tiranë.
Gjatë fjalës së saj, kryesuesja e PS-së në listën e kandidatëve, Luljeta Bozo tha se ndihet shumë energjike për të punuar dhe se ka ende shumë për të bërë në fushën e arsimit dhe të ndërtimit.
Ndër të tjera, ajo u shpreh se nëse do ishin respektuar kodet e ndërtimit, tërmeti i 26 nëntorit të vitit 2019, nuk do kishte shkaktuar aq shumë viktima.
Luljeta Bozo: ”Nuk futeshin njerëzit në shtëpi po të mos e shikonte Luljeta, sikur të isha Perëndia. Më thonin njerëzit, persona si ty duhet të na drejtojnë. Po flas për njerëzit e panjohur. Përveç kësaj, jam e kthjellët në mendje, jam plot energji. Kam punuar një jetë të tërë në fushën e ndërtimit dhe të arsimit, ku ka kaq shumë probleme. Po të ishin respektuar kodet e ndërtimit, nuk duhet të kishim kaq shumë viktima dhe akoma nuk kemi kushte.Unë nuk punoj dot pa plan.”
