Ministri i Brendshëm, Sandër Lleshaj, shprehet se përpjekja e qeverisë në luftën kudër krimit ka shënuar suksese të ndjeshme.
Gjatë fjalës së tij në Kuvend, Lleshaj theksoi se krimi nuk mund të jetë një biznes, teksa paralajmëron se çdo pasuri e grumbulluar në këtë mënyrë do të sekuestrohet.
Ministri sqaroi se një pjesë e madhe e aseteve të sekuestruara do t’u shpërndahen viktimave të këtij krimi.
“Nuk mjafton që vetëm politika penale të përqendrohen te burgosja. Sado sukses të ketë në veprimtari kriminale, sado pasuri të grumbullojë do të vijë një ditë që do të merren. Krimi nuk mund të jetë biznes. Besoj kemi bërë të duhur për të parandaluar ata që nesër tentojnë të futen në rrugë kriminale. Të fuqizojmë kapacitetet për sekuestrimin e pasurive kriminale.
Një ndryshim i rëndësishëm është se një pjesë e madhe e aseteve të sekuestruara do të shkojnë në favor të viktimave të këtij krimi.
Deri tani përpjekja e qeverisë në këtë drejtim ka shënuar suksese të ndjeshme. Janë 48 raste pasurish të ndryshme, dhe qindra të tjera janë në proces. Mundohemi të shkatërrojmë përfundimisht modelin e biznesit që paraqet krimi. Asnjë pasuri që mund të sigurohet në rrugë kriminale nuk mund të gëzohet në Republikën e Shqipërisë”, tha ai.
