Shefja e diplomacisë europiane, Federica Mogherini pritet të vizitojë Tiranën në kuadër të ditës së Europës, në datat 8 dhe 9 maj.
Vizita e Mogherinit në Tiranë, vjen pak para se Komisioni Europian të publikojë rekomandimin për hapjen ose jo te negociatave për Shqipërinë, ndërsa mësohet se do të zhvillojë takime me kryeministrin Edi Rama dhe disa përfaqësues të opozitës.
Ndërkohë, dy ditë më pas, në datë 11 Maj, opozita e bashkuar ka paralajmëruar për një protestë kombëtare, teksa mbetet për tu parë nëse do të ketë një ndërmjetësim nga ndërkombëtarë për zgjidhjen e krizës politike në vend.
