Ambasadorja e Francës në Tiranë, Christina Vasak në fjalën e mbajtur në Pallatin e Brigadave është shprehur se Franca do të qëndrojë në krah të Shqipërisë, pavarësisht vendimit që do të merret në tetor për hapjen e negociatave ose jo.
Sa i përket zgjedhjeve vendore të zhvilluara në Shqipëri, Vasak citoi politikanin francez Justin Godard, i cili në librin e tij “Shqipëria në vitin 1921” thotë se pavarësia dhe e ardhmja e shqiptarëve varet në radhë të parë nga zgjuarsia e tyre.
Ndër të tjera, ajo u ndal edhe në rolin e ambasadorëve të huaj në Tiranë, për të cilët tha se ata janë në Shqipëri për të kuptuar, mbështetur dhe shoqëruar, por në asnjë rast për të gjykuar apo zëvendësuar autoritetet kompetente.
Ambasada Franceze në Tiranë, në ditën e Festës Kombëtare të Francës, organizoi një pritje me këtë rast, ku i pranishëm ka qenë presidenti i vendit Ilir Meta, por ka munguar Edi Rama dhe Gramoz Ruçi.
