Ngrohja globale vazhdoi pandërprerë pavarësisht bllokimeve dhe izolimeve për shkak të Covid-19. Kriza e klimës nuk pa një situatë më të mirë në vitin 2020, por u përkeqësua me temperaturat më të larta globale të regjistruara ndonjëherë, shifra këto alarmuese të nxehtësisë, zjarreve rekord në Arktik, dhe gjithashtu një rekordi prej 29 stuhish tropikale në Atlantik.
Pavarësisht rënies prej 7% të djegies së karburanteve për shkak të bllokimeve të lëvizjeve prej koronavirusit, dioksidi i karbonit vazhdonte të ishte prezent në atmosferë, duke vendosur një rekord të ri.
Temperatura mesatare e sipërfaqes në të gjithë planetin në vitin 2020 ishte 1.25C më e lartë se në periudhën para-industriale të 1850-1900, vlerë kjo afër objektivit 1.5C të vendosur nga kombet e botës që alarmon shmangien e pasojave më të këqija që mund të sjellë kjo vlerë.
Të dhënat e temperaturave të nxjerra nga Shërbimi i Ndryshimit të Klimës Copernicus të Bashkimit Evropian (C3S), treguan se gjashtë vitet e fundit kanë qenë gjashtë vitet më të nxehta të regjistruara ndonjëherë.
Ata gjithashtu tregojnë se Evropa kaloi vitin e saj më të nxehtë, 1.6 C mbi mesataren, me një valë të nxehtë që goditi Evropën Perëndimore në fund të korrikut dhe në fillim të gushtit.
Arktiku dhe Siberia Veriore shënuan temperatura ekstreme në vitin 2020, me një vlerë 3 gradë më të lartë se mesatarja, dhe disa vende një vlerë 6 gradë më të larta. Kjo solli zjarre të fuqishme, me një rekord prej 244 milion tonë dioksid karboni të lëshuar brenda Rrethit Arktik.
Akulli i detit Arktik ishte gjithashtu dukshëm më i ulët, në muajt korrik dhe tetor duke parë shtrirjen më të vogël të regjistruar për ato muaj. “Viti 2020 shquhet për ngrohtësinë e tij të jashtëzakonshme në Arktik”, tha Carlo Buontempo, drejtor i C3S (Shërbimit të Ndryshimit të Klimës Copernicus të Bashkimit Evropian).
“Ngjarjet e jashtëzakonshme klimatike të vitit 2020 na tregojnë se nuk kemi kohë për të humbur. Do të jetë e vështirë, por kostoja e mosveprimit është shumë e madhe dhe më dëmtuese”, tha Matthias Petschke, në komisionin Evropian.
Burimi i lajmit: https://www.theguardian.com/environment/2021/jan/08/climate-crisis-experts-2020-joint-hottest-year-ever-recorded
Përshtatur nga TIRANA TODAY