“Në shenjë proteste dhe mosbindje civile për t’i dhënë një sinjal këtij kryeministri që duhet të tërhiqet sa më parë. Të plotësojë këtë kërkesë që është e të gjithë qytetarëve shqiptarë, largimi i Edi Ramës.” Nënkryetari i Partisë Demokratike, Edi Paloka është shprehur se sa më shpejt të largohet Rama nga pushteti, aq më shpejt do të zgjidhet edhe kriza politike në vend.
“Për bllokimin e rrugëve, kërkojmë mirëkuptimin e qytetarëve shqiptarëve, sepse të jemi realist, janë tre lloj qytetarësh, ata që kanë dalë të protestojnë, ata që janë të bindur që pa largimin e Ramës e keqja nuk largohet. Situata jo vetëm nuk do të përmirësohet, por do të përkeqësohet çdo ditë e më shumë. Çdo ditë e më shumë që kalon, çdo ditë e më shumë që Rama qëndron në pushtet, aq ditë të zeza shtohen për shqiptarët. Largimi i Ramës do ta zgjidhë sa më shpejt situatën. Aq më shpejt që të largohet, aq më shpejt do të bëhet zgjidhja e kësaj krize”, tha ai.
Paloka shtoi se “krimineli i vetëm që duhet të përfundojë prapa hekurave të burgut është Edi Rama dhe banda e tij”. Sipas nënkryetari demokrat, 80% e shqiptarëve duan që Rama të largohet, si e vetmja mënyrë për t’i hapur rrugë ndryshimit.
