Dy të rinjtë që kanë vrarë shqiptarin 22-vjeçar Xhuliano Brahimllari, i kanë shpëtuar burgimit me jetë, dhe janë dënuar me nga 24-vite heqje lirie, dhnet.be. 
Brahimllari, me origjinë nga Dukasi i Fierit, i cili u gjet i masakruar brenda një valixheje në një qytet të Belgjikës, në Koekelberg.
Vendimi është marrë nga gjykata në Bruksel, një ditë më parë, ku shtetasit Vincent De Bruycker dhe Denis Nikolovska, u dënuam me nga 24 vjet burgim.
Avokati Jean-Marie Maëet kishte kërkuar burgim të përjetshëm për dy të rinjtë në akuze, por trupi gjykues mori parasysh dy rrethanat lehtësuese të deklaruara nga avokatët mbrojtës: mungesa e një procesi penal dhe mosha e re e palëve fajtore.
Ngjarja e rëndë ka ndodhur në qershor të vitit 2015, në Koekelberg. Ndërkohë që trupi i tij i copëtuar u gjet më 9 qershor të po atij viti.
Ai u zbulua nga punëtorët komunalë të zonës gjate një procesi rutinë pune, të cilët gjeten në një valixhe sportive, një trup pa kokë, këmbë e duar.
Kujtojmë se me herët familjare te Xhuliano Brahimllarit kishin kërkuar ndihme, pasi e deklaruan të zhdukur.
Hetimet zbuluan më tej se dy autoret e kishin planifikuar vrasjen makabre. Ata e vranë dhe me pas e copëtuan, duke i shpërndarë pjesët për të zhdukur gjurmët. TIRANA TODAY
