Krijoi vaksinën, por akoma nuk është vaksinuar

Në një kohë të tillë, heronjtë e botës po konsiderohen krijuesit e vaksinave kundër Covid-19. Një nga këta krijues është edhe kreu i BioNTech dhe krijuesi i vaksinës anti-Covid, Ugur Sahin.

Por gjatë një interviste për mediat amerikane, Sahin është shprehur se ai dhe stafi i kompanizë Pfizer me të cilin krijoi vaksinën, akoma nuk janë vaksinuar.

Arsyeja për të cilën nuk ishte vaksinuar ishte sepse akoma nuk e kishin patur mundësinë, dhe se shpresonte të vaksinohej në javët në vijim.

“Nuk kemi mundur ende të marrim vaksinën tonë, por gjetëm mënyrën për ta bërë të disponueshme për personelin tonë në terren, që faktikisht e prodhon. Ndërkohë që shpresoj se stafi, dhe ne vetë, mund të vaksinohemi në javët në vijim”, tha krijuesi i gjigandit farmaceutik, BioNTech.