Kreu i Task-Forcës dhe njëherësh Inspektor i Përgjithshëm Shkëlqim Hajdari, në një intervistë në News 24, është prononcuar në lidhje me shumë çështje të nxehta, e njëkohësisht ka folur edhe për pandeminë.
Në vendin tonë shifrat janë të luhatshme, e ndërsa nga ana e mjekësve gjendja paraqitet e stabilizuar.
I pyetur lidhur me masat shtrënguese në vend, me atë që quhet ora policore e shtim i kontrolleve nga uniformat blu, z. Hajdari tha se: “Shqipëria ka marrë më pak masa shtrënguese se Kosova.
Situata në Shqipëri e në rajonin e Ballkanit është e stabilizuar, me luhatje të pranueshme. Jemi ambjentuar me kovidin.
Vigjilent duhet të jemi, por kush infektohet të mos e marrë me frikë, por duhet të karantinohet. Të mjekohet sipas gjendjes shëndetësore dhe sipas kartelës shëndetësore. Ta marrin me optimizëm dhe pa panik”.
