Pas sistemit të drejtësisë, ditën e djeshme ka filluar procesi i vettingut edhe në rradhët e Policisë së Shtetit. Sipas shortit, i pari që kaloi në sitën e vettingut ishte Drejtori i Inspektimit dhe Ankesave në SHÇBA-së, Oltion Shehu. Në bazë të informacioneve të bëra publike, Shehu rrezikon të mos e kalojë proçesin, pasi i janë gjetur mangësi në deklarimin e pasurisë dhe ndaj tij rezultojnë dy masa administrative.
Në lidhje mbi procesin e vettingut në polici ka folur edhe kreu i Sindikatës së Policisë së Shtetit, Sadetin Fishta. Sipas tij, policia ka pasur ndërhyrje të shumta nga politika dhe për më tepër shumë drejtues të policsë gradat i kanë të dhuruara jo të meritura.
“Të jenë të gjithë të barabartë para Vettingut. Nuk besoj se në polici të mos ketë pasur ndërhyrje politike. Fakti që kemi ne kemi shumë drejtues të policisë që nuk e kanë merituar gradën por ua kanë dhuruar. Ne kemi disa punonjës që kanë marrë grada të pa merituara.
Nuk them që politika do ndërhyjë apo jo, por do ta shohim në vijim për çdo punonjës. Në këto 7 vitet e fundit, kemi qënë në ndjekje të çdo shkelje ligji. Policia është e të gjithë shqiptarëve, dhe nuk kanë lidhje me politikën.”, raporton FaxNews.
