Sekretari amerikan i Shtetit, Mike Pompeo, i ka thënë ligjvënësve britanikë se presidenti i OBSH-së, Tedros Adhanom Ghebreyesus është blerë nga qeveria kineze.
“The Times” raporton se Pompeo i bëri këto deklarata të martën në një takim me dyer të mbyllura, ku ishin të ftuar edhe ligjvënësit. Pompeo theksoi se i bazon akuzat e tij në “të dhëna të inteligjencës”, por nuk dha detaje.
Gazeta citon “burime të shumta” të cilët morën pjesë në një ngjarje të mbajtur në Londër të organizuar nga qendra e djathtë e studimit të politikës së jashtme të Shoqërisë Henry Jackson.
“Kur ndodhi pandemia në Kinë, Dr. Tedros … i cili u ble nga qeveria kineze (…)”, nuk mund të them më shumë, por mund të them që kjo që po ju them është e bazuar në burime inteligjence, ka pasur një marrëveshje për zgjedhjen e Tedros”, tha Pompeo.
