Situata epidemiologjike në Kosovë është e qëndrueshme, e për këtë arsye mund të rishikohet sërish orari i kufizimit. Bordi Këshilldhënës për menaxhimin e pandemisë COVID-19, pritet që nesër t’i rekomandojë Qeverisë së Kosovës masat e reja ndaj koronavirusit.
Një burim brenda këtij bordi i tha ‘Klan Kosovës’, se nga data 23 dhjetor deri më datën 3 janar nuk do të ketë renditje të komunave në zona. Lëvizja e lirë pritet të zgjatet deri në orën 22:00. Po kështu raportohet se meshat nëpër kisha do të ndalohen për Krishtlindje dhe se nuk do të lejohet grumbullimi i më shumë se pesë personave në sheshe. Nesër ato pritet për t’u vendosur dhe për t’u votuar në Qeverinë e Kosovës.
