Kryetari i Federatës së Sindikatave të Shëndetësisë së Kosovës, Blerim Syla bën me dije se mbi 60 persona nga stafi mjekësor rezultojnë të prekur nga koronavirusi.
Në një prononcim për RTV Dukagjinin, Syla u shpreh se numri i punonjësve të kujdesit shëndetësor të izoluar është 135.
“Me rastet e ditës së sotme numri i punëtorëve shëndetësorë të izoluar ka shkuar mbi 135”, tha ai.
Ai theksoi nevojën urgjente që të bëhen trajnime për punëtorët e shëndetësisë, në mënyrë që të mbrohet jeta e tyre dhe e qytetarëve.
“Fokusimi ka qenë vetëm në Klinikën Infektive dhe në Institutin e Shëndetit Publik, ndërsa nëpër institucionet tjera mbështetja ka munguar”.
Ditën e djeshme në Kosovë u regjistruan 24 raste të reja me koronavirus, duke e çuar në 919 numrin total të rasteve.
