Kosova ka hequr kufizimet e lëvizjes që ishin vënë në vend për shkak të pandemisë së koronavirusit. Tashmë kufizimi që ishte nga ora 21:00 deri në orën 05:00 nuk do të jetë më.
Qeveria e Kosovës ka vendosur gjithashtu që të hapë kufirin tokësor, por të gjithë qytetarët që hyjnë në vend duhet të ndjekin disa rregulla të caktuara.
Ata nuk do t’i nënshtrohen më masës së vetizolimit për shtatë ditë. As testimi për COVID-19 nuk do të jetë më i detyrueshëm, ndërsa ata që hyjnë në pikat kufitare do të kenë kontrolle nga ekipet mjekësore.
Ministria e Shëndetësisë bëri me dije se do të lejojë liri të plotë të qytetarëve dhe mallrave në veçanti me Shqipërinë, që më 14 mars ishte mbyllur shkaku i rrezikut të përhapjes së virusit COVID-19.
Njoftimi i plotë:
Qeveria e Republikës së Kosovës shfuqizon pikën 6.1, 6.2 dhe 6.4 të Vendimit të Qeveris Nr.02/38 të datës 31 maj 2020 në të cilin është përcaktuar që:
6.1. Të gjithë personat që hyjnë në territorin e Republikës së Kosovës dhe posedojnë rezultate negative për testin #COVID19 RT PCR (ë ë ë ë ë ë ë) nuk i nënshtrohen procedurave të vetë-izolimit;
6.2. Ata që nuk kanë testin sipas pikës 6.1. detyrohen të vetë-izolohen për 7 ditë.
6.3. Qytetarët që manifestojnë shenja klinike udhëzohen nga profesionistët shëndetësor në Pikat e Kalimit Kufitar;
6.4. Deri me datë, 20 qershor 2020 do të bëhet vlerësimi i situatës epidemiologjike dhe me këtë do reflektohen masat e reja lidhur me Pikat Kufitare dhe hyrjen e qytetarëve në Republikën së Kosovës.
Pika 6. e Vendimit të Qeverisë Nr.02/38 te datës 31 maj 2020 me të cilën është caktuar që “Të gjithë personat që hyjnë në territorin e Republikës së Kosovës, obligohen t’i nënshtrohen kontrolleve të ekipeve mjekësore të #QKMF-ve në Pikat e Kalimeve Kufitare dhe t’i zbatojnë masat e mbrojtjes kundër #COVID19 mbetet e njëjtë.
