Kosovë: 3 viktima dhe 426 raste të reja me koronavirus

Në Kosovë u regjistruan 3 viktima dhe 426 raste të reja me COVID-19,. Instituti Kombëtar i Shëndetësisë Publike njoftoi se rastet e vdekjes janë regjistruar në Prishtinë, Prizren dhe Malishevë.

Sipas raportit ditor, rastet e reja me koronavirus dalin pas testimit të 3.454 mostrave në laboratorët shtetërorë dhe privatë.

Që prej marsit të vitit 2020, e deri më 27 shkurt, 2021, Kosova ka regjistruar 68.777 raste me COVID-19.

Nga numri i përgjithshëm i të infektuarve me koronavirus, 1.595 pacientë kanë vdekur, ndërkaq 59.643 janë shëruar. Raste aktive janë 7.539.